الفنان المصري الشهير خالد الصاوي: أنا حي.. (فيديو)

الأنباء المتداولة عن وفاة خالد الصاوي عارية عن الصحة، حيث ظهر الفنان في مقطع فيديو عبر حسابه الشخصي على “إنستغرام”، وقال: “السلام عليكم، إزيكم يا أحبائي؟ أنا سمعت إني موت امبارح، جيت أطمئن، خير في حاجة ولا إيه؟، على العموم بالنسبة للشخصيات اللي بيقولوا كده، أنا موتوني 4 مرات من 4 سنين، وأحيانا قالوا إن أولادي ماتوا، اللهم احفظنا طبعا، بس أنا معنديش ولاد الحقيقة”.

وأضاف خالد الصاوي: “مش هقول الناس دي نواياها إيه، لما تطلع إشاعة؛ يبقى عندك غرض؟، ولا أنت بلا شخصية؟، واللي بتسمعه بتحطه على النت على طول؟، طب أنت عارف إن ده ممكن يكون تأثيره سيئ على الأهالي؟”

وتابع: “ما علينا، أول حاجة الشخص اللي يعمل كده؛ ده كاذب، فهو عايز لايكات، نطلع من الحساب بتاعه، وننبه الآخرين إنه كذاب، وبأكد إني في الحاجات الضرورية جدا والحساسة، لازم أطلع أؤكد أو أنفي الحاجة، وتأكدوا يا جماعة، إن أنا لو مُت، هكون أول واحد يطلع ويقول”.

المصدر: RT